Halli bloggar

Ný síða

2006-06-23T21:53:00.000+02:00

Þar sem þetta blogger drasl hefur ekki virkað í langan tíma hef ég opnað nýja síðu þar sem bloggað verður hér eftir. Þetta er ekki jafnmikið design dæmi og blogspot og inniheldur auglýsingar, en hefur þó þann ótvíræða kost að þarna er hægt að blogga(vonandi!):
http://tharaldur.blog.is/blog/tharaldur/

2006-06-13T13:54:00.000+02:00

Ég fékk sms frá Armand(http://halliholland.blogspot.com/2006/04/armand.html) í gaer thar sem hann var staddur á Arnarstapa med konunni sinni. Thad var svohljódandi: "Hi Halli, last night we were at Arnarstapi and we have seen the magic Stapafell! Iceland is great. Ilike Hákarl and Marrit digs Hardfiskur. Greet Iris. C U in July. Armand." Já thad er greinilegt ad madur faer ad heyra ferdasoguna í júlí! Ef thid sjáid hann endilega heilsid upp á hann og skilid kvedju, thad er ekki einsog hann falli inn í fjoldann!

2006-06-12T17:18:00.000+02:00

Blogg med hollensku lyklabordi, thid afsakid, thetta er ekki islenskan min sem er ordin svona leleg. Alla vega, nuna er eg i klemmu, eg tharf ad akveda a naestu dogum hvern af skolunum thremur eg aetla i og eg hreinlega get ekki akvedid thad. Eg for i vidtal a fostudaginn i Maastricht og thad gekk ekki vel, eg byst thvi allt eins vid ad verda ekki hleypt inn thar. Their aetla ad lata mig bida i 10 daga eftir svari og a sama tima eru hinir skolarnir ad pressa a mig um svar, eg er thvi ad bidja tha um frest. Tja, ekki gaman en svo sem ekki versta vandamal i heimi! Malid er ad thetta snyst um hvad eg aetla ad gera i framtidinni og eg bara get ekki akvedid thad.

2006-06-05T21:57:00.000+02:00

Best að blogga. Langt síðan síðast. Nokkrar ástæður fyrir því. Meðal annars minni tölvuaðgangur þar sem við erum búin að skila gömlu össurartölvunni sem ég notaði alltaf. Við verðum kannski að fara að kaupa nýja tölvu. Önnur ástæða sú að við höfum lítið verið heima, fórum til Feneyja í smá frí. Feneyjar eru æðislegar, þar þykir eðlilegt að hús séu 800-1000 ára gömul og hús sem byggt var árið 1500 er sagt "aðeins" 500 ára gamalt og því nánast nýtt. Maður skynjar tímann öðruvísi þegar maður kemur á svona stað. Nei, eiginlega skynjar maður engan tíma, 1500 gæti allt eins hafa verið í gær einsog fyrir 500 árum því það hefur ekkert breyst. Borgin er s.s. algjörlega tímalaus. Annar plús er að þarna eru engir bílar og það eykur enn meira á tímaleysis-effektinn, snilld!

2006-05-20T15:49:00.000+02:00

Tæki sem Stasi notaði til að opna bréf og loka þeim aftur án þess að það sæist.
Njósnataska með myndavél á Stasi safninu.
Tæki til að gegnumlýsa bréf. Stasi safnið.
Stasi skrifstofa.

2006-05-18T13:14:00.000+02:00

Ég þakka góðar undirtektir við spurningu minni. Þetta er nánast ómögulegt fyrir mig að ákveða og liggur við að ég kasti upp á það. Ætla þó að melta þetta aðeins betur áður en ég kasta upp (hahaha).
Annars er ég búinn að vera að reyna að setja inn myndir frá Leipzig, hefur ekki alveg gengið. Við Íris vorum þar fyrir viku, mjög skemmtileg borg, hún er í Austur Þýskalandi og því mjög frábrugðin Vestur þýskum borgum. Það er allt frekar austantjaldslegt þarna og hefur mikinn sjarma, ég var alveg að fíla það, soldið einsog Reykjavík þegar ég var lítill, óslegin tún, sprungið og bætt malbik, yfirgefin hús o.s.frv. Þó greinilega sé skortur á peningum þarna er samt mikið af nýjum og flottum byggingum líka, þetta blandast allt saman í mjög skemmtilega heild. Soldið merkilegt að hugsa til þess að ekki eru nema 17 ár síðan fólkið þarna fékk frelsi en þar áður var þetta einsog stórt fangelsi. Við skoðuðum m.a. Stasi safnið og ætla ég að reyna að setja inn myndir af því.

2006-05-16T14:45:00.000+02:00

Hvort á ég að verða taugasálfræðingur sem vinnur með sjúklingum og metur ástand þeirra eða taugaerfðafræðingur sem vinnur á rannsóknarstofnun og reynir að finna orsakir sjúkdóma? Ég þarf að ákveða þetta fyrir 15. júní, vinsamlegast segið ykkar skoðun.

2006-05-10T00:25:00.000+02:00

Ég var að koma af Radiohead tónleikum. Djöfull voru þeir geðveikir.

Unglingadrykkja

2006-05-02T10:45:00.000+02:00

Tími til að setja inn nokkrar myndir. Á laugardaginn var Koninginnedag í Hollandi en þá á drottningin afmæli og það er þjóðhátíðardagur Hollendinga. Við fórum í bæinn að horfa á unglingadrykkju í mikilli rigningu og kulda. Hollendingar eru alltaf að halda upp á eitthvað, það eru frídagar hér með mjög reglulegu millibili. Á föstudaginn verður til dæmis haldið upp á lok seinni heimstyrjaldarinnar. Hátíðirnar hér minna um margt á Íslenskar hátíðir, þ.e. mikil drykkja, en ég held þó að drykkjan hér sé meiri ef eitthvað er. Það er náttúrulega mun fleira fólk hérna og bjórinn er seldur á básum sem eru á hverju götuhorni. Útkoman verður hálfógnvekjandi og ég verð yfirleitt hræddur og Íris líka. Á fimmtudaginn ætlum við svo að fara til Leipzig í Þýskalandi þar sem Íris er að fara að halda gervilappasýningu. Ég er einmitt nýlega búinn að lesa Kleifarvatn eftir Arnald Indriðason þannig að það verður gaman að koma þangað.

2006-05-02T10:16:00.000+02:00

Hjólið mitt, það heitir Fríða.
Íris á Koninginnedag, það sést eiginlega ekki hvað þetta eru mörg hjól fyrir hjólunum.

Íris á Koninginnedag.

2006-04-28T15:32:00.000+02:00

Ég get stoltur sagt að ég þekki manninn hér að neðan! Þetta er nýi hollenski vinur okkar hann Armand! Hann er poppstjarna í Hollandi. Við vitum ekki alveg hversu frægur hann er en hann segist sjálfur vera mjög frægur. Það er allavega ljóst að flestir hérna þekkja til hans og þekkja einhver lög með honum. Ég hef heyrt að hann hefur verið kallaður Bob Dylan Hollands, en ég kýs að kalla hann Andreu Gylfa Hollands. Sagan er sú að við fórum á veitingastað á föstudaginn sem við förum stundum á og erum farin að þekkja eigandann. Þetta er indónesískur veitingastaður þar sem er bara spilaður Elvis Presley. Alla vega, eigandinn sagði okkur að hann ætti vin sem væri poppstjarna í hollandi og væri á leiðinni til íslands í sumar. Hann var með skilaboð til okkar frá honum þar sem hann bað okkur um að hafa samband við sig. Við lásum skilaboðin, en þau voru skrifuð á póstkort af gaurnum! Svo hringdum við í hann seinna um kvöldið og mæltum okkur mót við hann í gær. Við hittum hann í einhverri hippakommúnu, gamalt iðnaðarhúsnæði sem var búið að breyta í lífrænt ræktaða hassbúllu. Hann kom með konuna sína sem er 30 árum yngri (á aldri við okkur). Við spjölluðum við þau heillengi og var það bara ágætt. Hann var bara nokkuð fróður og skemmtilegur og þau höfðu aflað sér heilmikilla upplýsinga um Ísland. Við höfðum heyrt að hann hefði "problem with the drugs" og við fengum það staðfest, hann reykti held ég fimm jónur á meðan við vorum þarna. En þau eru semsagt á leiðinni til Íslands í sumar og ætla meðal annars að taka þátt í mótmælum við Kárahnjúka. Það var einmitt athyglisvert að á þessum stað voru veggspjöld með áletruninni "Save Iceland" og auglýsingu um mótmæli sem verða haldin á kárahnjúkum í sumar þar sem fólk var hvatt til að mæta og taka þátt. Þetta sér maður ekki á Íslandi. En ef þið sjáið þennan mann á Íslandi í sumar þá bið ég að heilsa honum.

Armand

2006-04-27T21:58:00.000+02:00

2006-04-18T18:24:00.000+02:00

Inda var hjá okkur yfir helgina, það var gaman. Við gerðum reyndar ekki mikið, vorum svona bara að letipúkast í Eindhoven. Horfðum á allar Íris 11 ára spólurnar með mikilli ánægju og borðuðum páskaegg og svona. Kíktum til Kristbjargar í Þýskalandi á sunnudaginn og grilluðum, mjög skemmtilegt. Ég lenti síðan í því á Laugardaginn að ég var að baksa við að opna einhverja dós með beittum hníf og skar mig á puttanum. Þetta var svona smá skurður og það kom soldið blóð þannig að ég setti puttann strax undir kaldavatnskranann. Heyrðu, svona mínútu síðar byrjar mér bara að sortna fyrir augum og ég missi allan kraft og er næstum hruninn í gólfið! Ég rétt næ að staulast inn í svefnherbergi og leggst upp í rúm í þvílíku svitakófi með suð fyrir eyrunum. Þarna ligg ég stjarfur í einhverjar mínútur, bara í móki þangað til ég fer inn á bað og sé að ég er alveg náfölur í framan og ennþá svitnandi. Eftir þetta var ég alveg slappur í svona hálftíma! Svona er ég þá mikill karlmaður, sker mig aðeins og fæ bara aðsvif einsog einhver kelling! Alla vega, þá vitið þið það.

2006-04-15T19:21:00.000+02:00

Hér er mynd af borðstofunni okkar, hún er á milli eldhússins og stofunnar.
Hér er stofan.

2006-04-15T14:13:00.000+02:00

Mynd frá PSV-Feyenoord, leikurinn að byrja.
Steffen þjóðverjinn okkar.

2006-04-14T18:09:00.000+02:00

Jæja, þá hefur nú bara ýmislegt á daga manns drifð hér í Eindhoven. Á Miðvikudaginn fórum við Steffen á völlinn og sáum PSV-Feyenoord, þetta var reyndar þýðingarítill leikur þar sem PSV var búið að tryggja sér titilinn en engu að síður gríðarleg stemmning og eftir leikinn var verðlaunafhending. Leikurinn sjálfur var samt ekkert sérstakur, 1-1, og var Feyenoord betri aðilinn, dálítil vonbrigði að sjá PSV svona slappa þótt þeir séu meistarar.

Í gær var svo mömmudagur, mamma mín átti afmæli (til hamingju með það!) og mamma Írisar, Inda, kom til Eindhoven. Í gærkvöldi horfðum við á gamlar vídjómyndir frá fjölskyldu Írisar þar sem Íris var í aðalhlutverki, 11 ára. Það má segja að hún hafi verið í mynd nánast allan tímann, gríðarhress og skemmtileg og greinilega ekki feimin við myndavélina. Síðan fórum við í bæinn í dag, það er engin föstudags langa "stemmning" hér í eindhoven, allt opið og allir hressir bara. Ég lét drauminn rætast og keypti mér hjól. Ekta hollenskt ömmuhjól sem maður situr uppréttur í og er án gíra. Það er mjög flott og mjög þægilegt að hjóla á því. Þetta er eiginlega návæmlega eins hjól og amma Kristín átti alltaf, svona svart og klassískt einhvernveginn.

2006-04-10T17:05:00.000+02:00

Hæ, ég er búinn að gera svona sjö tilraunir til að setja myndir inn á síðuna sem hafa allar endað með ósköpum, þ.e. allar myndirnar og textinn hafa alltaf strokast út. Þetta er búið að vera mjög pirrandi og ég hef ekkert getað bloggað út af þessu helvítis drasli sem þetta blogger dæmi er. En alla vega þá verður maður bara að vera jákvæður og halda áfram, ég vona að þessi pistill komist inn. Ég verð síðan bara að setja inn myndir seinna.

Annars þá voru PSV að vinna Hollandsmeistaratitilinn í fótbolta í gær og stemmningin í miðbænum var svona eyjar x 6. Við skelltum okkur auðvitað, með Steffen þjóðverjanum okkar og Dóru Birnu sem er hér í eindhoven í nokkrar vikur. Það voru um 60 þús manns í bænum og flestir mjög ölvaðir. Þarna mátti sjá mannkynið í sinni frumstæðustu mynd, fullir fótboltaidjótar að senda frá sér hljóð einsog "ooooiiioooo" og "eeeeoooooeeeeeiiiiiiii" í marga klukkutíma. Einn byrjar að senda frá sér hljóð og þá taka nærstaddir undir og þetta magnast upp í einhvern apakór, mjög fyndið. Við sáum líka konu fella mann á hækjum og finnast það mjög fyndið með vinkonum sínum, gaurinn datt sem betur fer ekki en það munaði litlu. Þetta er bara eitthvað sem ég hélt að enginn gerði og það var því gaman að sjá hvað hún skammaðist sín mikið þegar hún tók eftir því að allir voru að horfa á hana. Síðan drullaði hún sér í burtu.

Eftir þetta fórum við á grískan veitingastað þar sem nokkrir apakórar voru búnir að koma sér fyrir, þeir náðu að mynda ágætis hávaða saman en þetta var nú orðið ansi þreytt á þessum tímapunkti, svona "já ok psv vann, við erum búin að ná því" stemmningin. Gaman að þessu.

2006-04-10T13:31:00.000+02:00

Ég á í vandræðum með að blogga, síðan er e-ð biluð held ég. Alla vega er ég búinn að vera að reyna að blogga síðustu daga en það hefur ekki gengið, alltaf e-r error. En alla vega ef þetta kemst inn þá vitiði það og vonandi lagast þetta fljótlega.

2006-04-10T11:35:00.000+02:00

huh

2006-04-06T16:19:00.000+02:00

Ég er orðinn svo tæknivæddur að það er ógnvænlegt. Nú tek ég myndir á gemsann og lóda þeim inn á bloggið. Bráðum verð ég farin að ferðast í gegnum tímann. En hér eru tvær myndir svona til að byrja með. Sú fyrsta er af bílnum, BMW 120ie, ruglaður. Hin er af eldhúsinu, ruglað eldhús.
Síðan set ég fleiri myndir inn. Þetta er fín leið til að blogga, svona þarf maður ekki að segja eins mikið, en ég hef einmitt yfirleitt frekar lítið að segja. Snilld.

Vítamín

2006-04-05T15:14:00.000+02:00

Heyriðið, haldið að kallinn hafi ekki bara keypt múltívítamín á hollensku áðan. usss! þétttöör!

2006-04-04T12:41:00.000+02:00

Í gær kláraði ég fyrsta áfangann í hollenskunáminu. Er bara nokkuð sáttur við útkomuna úr lokaprófinu og þá staðreynd að ég er aðeins farinn að geta babblað á hollensku. Framburðurinn er alls ekki jafn erfiður og maður hélt í fyrstu. Nú tekur við þriggja vikna frí hjá mér en kúrs tvö byrjar ekki fyrr en 23. Apríl. Ég verð heimavinnandi húsmóðir þangað til! En það er gaman að Inda (mamma Írisar) ætlar að kíkja í heimsókn þarnæstu helgi, við gerum eitthvað skemtilegt með henni, förum t.d. pottþétt með hana á Da Nellos.

Sá góða mynd í gær, V for Vendetta, mæli með henni.

Vorið að koma

2006-03-26T16:19:00.000+02:00

Íris er í Feneyjum þannig að ég er bara einn í kotinu. Nú er allt í einu orðið 10 gráðum hlýrra en hefur verið í allan vetur. Vorið er greinilega að koma, jibbí!

2006-03-24T20:13:00.000+01:00

Þá erum við loksins komin með sjónvarp! Eftir langa bið. Þrjú og hálft ár. Ég er nú þegar búinn að horfa á tvo fótboltaleiki. Yndislegt. Ég hef gilda afsökun fyrir að vera latur.
Þegar maður hefur svona margar stöðvar (120 í okkar tilfelli) sér maður enn betur hversu innihaldslaust sjónvarp er. Samt festist maður fyrir framan það! Rannsóknir hafa sýnt að það er nóg að það sé hreyfing á skjánum til að fólk horfi, við erum ekki flóknari en það. Það er kannski þess vegna sem fótbolti er svona vinsæll! Ég þarf að passa mig að verða ekki of hooked.

2006-03-13T12:48:00.000+01:00

Jæja, þá er maður bara á Íslandi, búin að vera yfir helgina og er það bara nokkuð fínt. Skemmtilegast náttúrulega að hitta hana Huldu en líka gaman að hitta alla hina. Fékk smá svona Icelandic reality check í morgun þegar ég fór í Tryggingastofnun og átti eftir hálftíma bið afskaplega leiðinleg samskipti við valdasjúka afgreiðslukonu sem hatar vinnuna sína og hefnir sín á viðskiptavinunum. Alveg magnað hvað þetta fólk getur verið leiðinlegt alveg að óþörfu. Þessi kona fer heim á slaginu fjögur. Síðan fór ég í Mál og menningu að skipta bókum sem höfðu setið plastaðar uppi í hillu í nokkur ár, óvænt ánægja það, heilar 26 þús krónur í inneign. Valsaði um búðina og valdi mér ýmislegt skemmtilegt af handahófi, m.a. hina mögnuðu Ensk-Íslensku orðabók Arnars og Örlygs, Rokland eftir H.H., diska með Ghostdigital og Hairdoctor o.fl. Síðan er það bara Jose Gonzalez í kvöld og heim til Hollands á morgun. Heyrumst...

2006-02-28T10:30:00.000+01:00

Hei! Erum að koma til Íslands þarnæstu helgi!!! Verðum í nokkra daga, Íris er að fara á fund mánudaginn 13. mars og við verðum frá fimmtudegi til þriðjudags. Ýkt geðveikt!!

2006-02-27T09:45:00.000+01:00

Komum heim frá París í gær eftir fína helgi þar. Vorum hjá Berengere og Stephane og litla Timothee sem er aðeins 3 vikna gamall. Timothee er hið fullkomna barn, hann er fallegur og grætur aldrei, grét a.m.k. ekki einu sinni á meðan við vorum þarna og hefur bara grátið örfáum sinnum síðan hann fæddist. Er þetta eðlilegt? Annað, ég er farinn að hallast að því að veturinn á Íslandi sé ekki svo slæmur eftir allt saman, í París var skítkalt og hérna í Eindhoven er alltaf skítkalt, það koma engin svona 5-10 c° tímabil inn á milli einsog á Íslandi, það er bara alltaf kalt. Samt kannski skárra en hjá Halldóri í Argentínu þar sem er 60° c hiti í sól og 40° í skugga!

2006-02-24T14:49:00.000+01:00

Erum ad fara til Parisar um helgina ad hitta Berengere sem er nyordin mamma! Meira blogg eftir helgi....

Tungumálasúpa

2006-02-22T18:00:00.000+01:00

Hæ! Var að koma heim úr skólanum eftir langan dag í hollenskunáminu. Er í því í háskólanum í Tilburg sem er svona hálftímakeyrsla frá Eindhoven. Þetta er svona intensífur kúrs fyrir byrjendur og hópurinn er mjög skemmtilegur og vægast sagt fjölbreyttur. Það er þarna fólk frá Tansaníu, Kongó, Afganistan, Mexíkó, Síberíu og Tælandi svo eitthvað sé nefnt, s.s. bókstaflega frá öllum heimshornum. Hollenskan er náttúrulega soldið erfið svona til að byrja með en minnir þó mikið á dönsku, það eru alls konar dönsk orð að skjótast upp í kollinn á mér eftir áralanga hvíld! Síðan var maður bara búinn að gleyma hvað tungumál eru flókin fyrirbæri, allar reglurnar og óreglurnar, tíðir, föst orðasambönd o.s.frv. Maður hélt einhvern veginn að maður myndi bara ganga þarna inn og læra þetta á nokkrum vikum en annað hefur heldur betur komið á daginn! En þetta er skemmtilegt og það er fyrir öllu.

Síðan er það IELTS enskuprófið á morgun. Ég átti reyndar að taka það síðasta laugardag en náði á einhvern ótrúlegan hátt að stressa mig svo mikið upp fyrir það að ég svaf ekki dúr nóttina áður. Hringdi mig síðan veikan um morguninn, útúrþreyttur. Ég hafði fundið einhverja undirbúningssíðu á netinu sem lét mig fá þá tilfinningu að ég kynni ekki staf í ensku og væri í þokkabót þroskaheftur. Stundum er betra að vera ekkert af undirbúa sig of mikið. Núna er ég frekar rólegur og á eftir að massa þetta próf.

Tot ziens (sjáumst á hollensku)!

2006-02-21T17:57:00.000+01:00

Já, maður fær þvílíkar undirtektir á helgahulda.blogspot.com strax fyrsta daginn! Takk fyrir það. Það er bara verið að peppa mann upp í þvílíka stemmningu hérna!

2006-02-21T16:14:00.000+01:00

Hæ! Ákvað að taka systur mína á orðinu og byrja að blogga. Veit ekki hversu reglulegt þetta verður en alla vega gaman að prófa þetta.